قصيدة شعر عن فراق الام حزينة
الشاعر هشام الجخ
ويس الشعر العربي
من الشعر حكمة
المشهد الأول
(السبت الأول من أكتوبر سنة 81)
كانت ككل نخيل بلدتنا تطل عليّ من أعلى سماء
وأنا أجمّع لعبتي سرا ..
وأعيد تشكيل البناء وقد اصطففنا في طابور
الصبح ألهانا الغناء في الطابق العلوي ..
وقفت هيبة .. كفنار بحر ترتدي زي النساء
وتراقب الطابور في حزم وصمت بارعين ..
فتستقيم ظهورنا يعلو الهتاف تحية العلم المرفرف
في الفناء بإشارة منها يقود مدرس الألعاب
ذو الصوت الجهور الصف نحو فصولنا
وبنظرة منها يدق العامل الجرس ابتداء الحصة الأولى
من أين يأتي كل هذا الحزم في نظراتها؟
وأنا أراها كلَّ ليل تطفئ الأنوار من حولي
وتصنع خيمة من حبها وتحيك دفء حنانها فوقي غطاء
وعلام يخشون الأساتذة الكبار
وجودها يعدّلون من هندامهم ..
ويراقبون الصف عند مرورها أنا لا أراها مثلهم
ما زلتُ لم أفهم حقيقة كونها أمي وناظرة بمدرستي
فأنا – كطفل – لا أفرق بين أحداث الصباح ..
وبين أحداث المساء لكنني ما زلت أذكر جيدا غضبي
وضجري كلَّ ليل حين يغلبني النعاسُ تهزني ..
وتتهمُني أنني دوما أنام وقد سهيتُ عن العشاء
وقد سهتْ هي أنها ما تزال على يديها من وضوئي ..
آثارُ ماء بعدما صليتُ يا أمي العشاء
(1 أكتوبر 89)
مين يا خويا عيد ميلاد؟؟!!
والله خلَّفت وعَلَفت وانت أطول مني عائز عيد ميلاد ..
امشي ياد في اعدادية ولسه بتفكر يا شَحْط في عيد ميلاد
روح لا بوك .. كلمه في الشغل قل له وانت جاي ..
عدّي هات لي نفّاخة شوف العيال لما تكبر تتمللي مساخة
ثم خد يا بعيد .. ايه اللي خلا يوم ميلادك اسمه عيد يَكْش
فاكر يوم ميلادك اختفت نار المجوس
ولا حد قالك ان لقينا يومها شوال فلوس
ده احنا كنا العيش يا دوابك والغموس
كنا مش لا قيئين نجيب لك هدمتين
ايه ياد السعادة اللي انت فيها دي ؟
ج اياك منين؟ ده احنا أفقر فترة عشناها في حياتنا ..
حملي بيك كانت البلد ولا فيها زيت ولا فيها سكر
والجو بينا وبين كل العرب .. كان شان وعكّر
والسادات كان كل يوم .. شدوا الحزام .. شدوا الحزام
والإعارات اللي كانت في الخليج رجعوا لنا تأني
والجنيه ماب قاش يجيب ولا جوز حمام
ولا نص ضأني كنا دائرين نستلف من القريب ومن البعيد ..
خليته عيد؟؟؟!!! بس عارف لما قالوا جه ولد ..
ضهري اتسند رغم اني كنت مخلفة قبلك بنات ..
كنت انت بكري أبوك حريمه كلهم جابوا الولاد بدري
وجدتك – في غياب أبوك – كانت تلقح بالكلام
وانا طبعا اهري حتى لو ما قالت حاجة ..
أحنا ستات أوعر كلام بنفوله بنفوله بسكات
ما كإنش ابوك يعرف يا ولدي انهم سمّوني بينهم ..
أم البنات وماكنتش اعرف حظي الاغبر ..
وان خلفة الولاد تحجيب لي نَطْع يقول لي عائز عيد ميلاد
اسمع يا ولدي اسمع وركز
في الكلام النبي عليه الصلاة والسلام كان يحتفل بعيد ميلاده ..
زيك تمام ازاي بقى؟؟؟ بالصيام يعني انت بكرة تجيئني صايم
عيد ميلاد يعني تقوى .. مش جاتو وبأتوة وعزائم
ولا أقول لا بوك على الدرجتين اللي نقصوا في التاريخ
مش عائز تعلّق نفاخات ؟؟ أجيب لك النفّيخ خش ذاكر
ايوه واتنغوج وخبّط في البيبان ..
هو يعني ابوك مسافر بس يجي وكل ده ح يوصل
له حاضر تأني يوم الصبح وانا نازل و رايح المدرسة
لقيت ع السفرة كيكة مقطّعة ومكيّسة قالت خد طفّح صحابك ..
ما انتو جيل العيد ميلاد جيل ما يعرفش الخِشا قول لي صح ..
انت نمت الساعة كام؟
شكلك ما صلتش العشا
المشهد الاخير (25 مارس 2009)
كل الدكاترة فالولي خير
ما عندهاش ولا أي حاجة ولا حتى محتاجة لدوا
ما احنا عارفين شهر مارس والهوا
السن برضه ما تنسهوش شوية برد ما يستأهلوش
أول مرة اشوف حبيبتي بتتوِجع وبتتلوِي
وانا عارف امي .. ماتشتكيش غير م القوي
عجّزتِ يا امة؟
وشاخ جريدك ده انت لسه ماسحة الشقة بأيدك
عجزت فجأة ده احنا كل جمعة نبوس اديكي
عشان نوضب شقتك وتقولي لاه عجزت فجأة
ومالك بأيضيتي ليه؟
ياك حاطه بودرة؟ ما انت كنت زيي سمرا
الدكاترة مش بيحكوا حاجة بينّا
وانا قلبي متوغوش وأحسس ان امي فيها إنّ
طب لو ما فيشي شيء فلقانين عليه ..
حجزوها ليه؟ لأول مرة احس دماغي بتشقق
وتفكيري ب يعمل صوت ما صدقتش ولا اتخيلت
وانا واقف في ساعتها بانه الموت رسمت الضحكة بزيادة
دخلت عليها عارفاني أنا الكذاب كالعادة
ومين يقفشني غير امي اللي عاجناني وخابزاني
وخالعة بيدها سناني فعرفت بس من عيني
انها شهادة وشهدت يجي 100 مرة ساعتها
كل احساسي اللي كان محبوس طلع برة
وهاجت ذكريات عبّت عنيا دموع
واحساس الطريق اللي ملوهش رجوع حاولت اخدعها
و استهبل بقالك عمر بتمثل وهي معيّشاك في الدور
وصدقت انها بتتخمّ يا راخل خلي عندك دم
دي حافظة عنيك وتقاطيعك وتهتهتك وألاعيبك
مش هائن عليك الويل ؟؟ عازها منين تجيب لك حيل
عشان ما يبانش في عينها العذاب والهم يا راجل ..
خلي عندك دم كانت باصه لي في عنيها السنين بتفوت
وجوايا كلام من كتره عدّا سكوت كان نفسي أقول آسف ..
وأقول ندمان .. وأقول خجلان وأقول
لك إني والله بحبك حب مش معقول ماعرفتش ساعتها
الحلق كان مقفول لكن القلب كان مفروط على قلبك
وكان ب يقول بكل حروف كتاب الله اللي حافظها على يدك
ومن أيام ما كنت بعد على يدك وعلى عدك وفرحة خدي
يامايا وانا نائم على خدك
وقسما باللي قام حدي وقام حدك ما حبيت في الوجود قدك
وجاي لدوقتي تتنغوج .. بتستعجل في وقت الموت
وتتلهوج مابنحسش بقيمة الثانية غير بعدين وتسرقنا الحياة
مانفوقش غير والموت مبكي العين يا شاقة القلب ومسافرة
خدتين الغربة من حضنك سنين كافرة نسيت نفسي
وانا آسف قالولي الغربة بتعلم دروس وحياة
وان الغربة يا مايا دي طوق ونجاة أتاريها حزام ناسف ..
أنا آسف ميعادنا يا مه في الآخرة وهي الدنيا أيه يا مايا ..
حقة مناهته ومعافرة خلاص خلينا للآخرة حتى تكوني
محلوه وعليك العين و وأريكي العيال يا مه ..
بقم بتين وجبت الواد يا ستي عشان ما تضايقيش
حواصيهم يا ستي خلاص ما تخنقنيش
أفراد عيلة هشام المدهشة
دي تعليمات جدتكم المفتشة
ممنوع تناموا في أي يوم أي يوم ..
قبل ما تصلوا العشا
من الشعر حكمة
تعليقات
إرسال تعليق